Passejada dins Bèumont a la recerca de las croces occitanas
Per començar, sèm partits del collègi (0) e avèm devalat la carrièra de la Glèisa.
A man dreita avèm vist l’oustal dels senhors d’Argombat (1) (segle setzen ).
Puèi sèm passats davant la glèisa (2)(començada en 1280) que sembla a Sant Sernin de Tolosa.
Aprèp, avèm virat a man esquèrra dins la carrièra de l’Esplanade (« Esplanada » en occitan vòl dire « lòc aplanit »).
Al primièr caireforc , avèm virat a man dreita dins la carrièra Vernhe (En occitan, lo vèrnhe es un arbre : l’aulne) .
Al cap de la carrièra avèm un còp de mei virat a man dreita e sèm arribats sus la plaça Gambetta, dont se troba lo mercat cobèrt (5)(la hala del sègle catorzen).
A man dreita i a la Comuna(3) e en façia l’estatua de Pèire Fermat (4), lo celèbre matematician vasut a Bèumont al sègle dètz-e-seten. Sèm anats tot dreit, dinc a l’ofici de torisme(6) , qu’es tanben l’ostal ont es nascut Pèire Fermat.
Puèi avèm virat a man esquèrra dins la carrièra Lomanha, ont avèm vist doas pèirassas als dos cantons (7) . Aquelas pèiras aparavan los cantons dels ostals d'aquel temps que los trepadors existissián pas.
Dins la carrièra Lomanha un tròç de trepador es decorat damb una calada de calhaus blancs e negres.(8)
Puèi avèm virat cap a man esquèrra, dins la carrièra « du puits redon » (redon es un mot gascon que vòl dire « rond » en francès).
Al cap d’aquela carrieròta nos a calgut virar a man dreita dins la carrièra de la Font (Font es tanben un mot occitan que vòl dire « fontaine » o « source »). Sèm passats davant l’ostal Vernhe (9) apelat tanben Ostal del Cavalièr, segurament perqué i a encara, de cada costat de la porta, la doas pèiras qu’ajudavan los cavalièrs a montar a caval.
Avèm devalat la carrièra de la Font e virat a man esquèrra dins l’avenguda Albert Soubiès. Avèm avançat dinc al virador (10) ont son desenhadas croses occitanas. A man dreita i a lo monument dels mòrts(11)
Un pauc mai enlà, i a l’estacion (12) e un supermercat.
Fin finala,sèm tornats al collègi, en passant davant la pòsta (13) (carrièra Despeyrous, lo del collègi !) . Avèm calgut pujar la carrièra Tourreilh (benlèu que ven de torrilh que vòl dire « petite tour ») puèi la carrièra Darquier.
Catégories
- actus